Proverbs 8
Sindaun 8:22-31
Imaka imaka nämo ahäŋirä nadäk-nadäk tägatä intäjukun ahäŋkuk
22 a Yäput peŋpäŋ Yawetä imaka kuduptagän nämo ahäŋirä näk jukun täŋpän nepmaŋkuk.23 b Bianiinik, kome ba imaka kubä nämo peŋkaŋä näk jukun iwoyäŋpäŋ nepmaŋkuk.
24Gwägu pähap ba ume dapuri kubä nämo ahäŋirä näk jukun täŋpäŋ nepmaŋkuk.
25Pom taŋi ba täpuri bägupiken nämo irirä näk bäyaŋpäŋ nepmaŋkuk. Bureni, näk jukun nepmaŋkaŋ mädenaken kome ba äwan täŋpäŋ peŋkuk.
27Ba kadäni kunum kenta kome yäpurärätpäŋ yepmaŋkuko u näk imaka irira täŋkuk.
28Täŋpäkaŋ gubam komeniken punin yepmaŋpäŋ kome terak ume dapuri täwit-pewän umetä äbäŋpäŋ kome tokŋeŋ moreŋkuko uken imaka, näk uku itkut.
29Näk ahäŋkuro irira kometä itta bagani peŋ imiŋkuk, ba gwägutä baga peŋ imani nämo irepmirekta yäŋtäreŋ imiŋkuk.
30 c Täŋpäkaŋ näk kadäni kadäni Anutu dubiniken epän täŋo watä äma ude oretoret terak itkaŋ bänep täga nadäŋ imiŋira täga nadäŋ namiŋkuk.
31Bureni, kome päke u täŋpäŋ peŋkuko unita oretoret täŋkut, ba ämawebe täŋpäŋ yepmaŋkuko unita udegän gäripi nadäŋkut.
Copyright information for
IOU